(( غَلطتوا في الحساب ))

شبكه صوت الجنوب

غَلطتوا  يوم  ظَنّيتوا  الجنوبي  شويّه 

            والجنوبي  طود  مايعلاه  غير  السّحاب 

صمصام  لادقّت  طبول  الحرب هيّا 

            مايهاب الموت أو يحسب لأقداره حساب 

مِن دَسّكم وغَدركُم بألف لَفّه  ولَيّه 

            ضاقت بنا الحال  والظّن  فيكم  خَابْ 

واليوم طُول الحدود ترفعون البندقيه 

            دقّت ساعة الحرب أجا فصل الخطاب 

هُنا  المُنى جانا  من  الباري  هديّه 

            وياهلاَ  بالموت  ذِي  لَهْ   مانهاب 

والدّرس الاول سَرَدناه في الٱزارق عطيّه

            شوفوا جِيَفكم مُضَحّى في البراري والتباب 

ياللي بلا ناموس  ولا فيكم  حَميّه 

            صَمَتوا  على الحوثي بَطَر فيكم وعَاب 

واليوم للثالثه عُدتوا قَدَانا  سويّه 

            ياذِي لاطَمَر فيكم عَيْش ولامِلْح جَاب 

ياأهل السّلب والنّهب وكلٌ فِعْلَه زَرِيّه 

            ماعندكم غير العَيَابَه وكلٌ فِعْل عَيّاب 

جاءْ وقت الحساب  بَهْ مَرْحَبْ وحَيّا 

            جَاءَ الموتُ  يِجْعَر في سهلنا والهضاب 

باتشوفوا الجنوبي نار حمراء مُسْتَويّه 

            تَشْوي مَن قَرَب جَنبَه تِحِيْلَه تُراب 

ياهل  العَيَابَه  ومِن  طِيْنَه  دَنِيّه 

            دَنَتْ  ساعة  الوحده حان وقت الصّرَاب 

إقْلَعوا مِن هنا  خلاص  يالله وهيّا 

             لا إقامه  هُنا  ولا ضِيافه  وتِرحاب 

ذِي الأوّلَه  والثّانيه عَادها وَاجِي قَويّه 

             بَيْنَنا الميدان  بايفصِل  في ذَا الحَنَاب 

هُناك باتلقوا الجنوبي في هيئه سَوِيّه 

              وفي الميدان  باتشوفون حُمر الذّئاب .

        شعر / علي ثابت القضيبي 

         الخيسه / البريقه / عدن .